?? (Acknowledgement) (Live at Hong Kong Coliseum 2017) Lyrics

???? (Tat Ming Pair) Lyrics





多謝。我真係好鍾意 *哼唱〈末世情〉間奏*,呢隻叫〈末世情〉,係何秀萍幫我寫嘅。呢幾晚好開心,啊好多好多同我哋合作過嘅填詞人都嚟咗。好多謝呢啲填詞人,因為有呢啲填詞人呢,先至成就到今日嘅達明一派。*觀眾拍手* 啊,當然係有呢一啲,呢一啲咁好 *哼唱〈末世情〉間奏* 嘅musicians啦。呢兩位——欸係呢一度,係呢度啊哈哈,係嘉豪 同埋世裕!佢哋兩個係我哋嘅bra** section,一個係負責trumpet,一個係負責saxophone同埋好多,好多好多好多嘅吹口嘅部分,多謝佢哋。然後佢隔籬係我哋嘅老拍檔CM,低音結他。呢一位係新朋友啊,第一次同佢合作,但係前途無可限量,非常之年青嘅啊Tim。望吓嗰邊啦 *笑聲*。呢位呢就老朋友,老朋友係,emm,啊佢,佢好多隊樂隊㗎。你係「HUH!?」㗎呵?「HUH!?」啦,又係「假音人」㗎啦,肥仔明!*觀眾拍手* 噉,啊然後呢一位呢,其實佢係一個好好嘅結他手嚟㗎,但係呢佢今日呢就嚟幫我哋做呢個結他嘅technician。佢係曾經係好多隊樂隊嘅,但係佢今日話畀我聽佢有隊新嘅樂隊叫做Modern Children,唔係新樂隊呀,佢新加入咗呢隊樂隊,係啊銘 !*觀眾拍手* 然後呢一位呢,寫〈是有種人〉嘅李拾壹。*觀眾拍手* 喺李拾壹後面呢,就係,啊第一次嘅紅館嘅演唱會有冇人嚟睇過啊,90年?大家記唔記得有蔡德才呀?90年嘅紅館演唱會已經有蔡德才。多謝你一路以嚟,對達明一派同埋對我嘅support,多謝你。然後呢第一次嘅演唱會呢,呢個人呢都係喺下面嘅,不過就唔係負責彈琴,佢就係負責睇show㗎啫。佢係歌迷,由歌迷變成咗今日我哋嘅音樂總監,梁基爵,GayBird!*觀眾拍手* 然後呢一位係我嘅好拍檔,劉以達!另外呢一位就係我嘅兄弟,兄弟幫,黃耀明!你要多謝邊個呀?多謝,多謝係啦,啊多謝環球啦,吓。如果冇佢哋呢,我哋嘅演唱會係開唔成㗎應該。你使唔使多謝太太啊?欸多謝——多謝埋啊順便。 *大笑* *觀眾歡呼* 多謝!但係,我想特別再多謝,多謝兩個人。Umm,係環球唱片嘅Duncan。好多謝佢畀我哋可以再次喺呢一個舞台出現,多謝。同埋有一位朋友,我識咗佢好多年,啊識咗佢超過——其實達明一派之前我識咗佢㗎啦。但係聽日呢係佢嘅生日,所以我想將呢一個演唱會,如果佢覺得好睇㗎呢,就送畀佢,因為佢成日都係畀咗好多好多嘅意見我哋。郭啟華,祝你生日快樂。好,我哋唱你哋最想聽嘅歌。




All Artists: 0 A B C D E F G H I J K L M N O P Q R S T U V W X Y Z

we all love music